Kahalagahan
sa Kabila ng Ganti ng Kalikasan
Inilabas ng Department of Agriculture
(DOA) ang ulat na mahigit 30% ng buong
ektarya ng sakahan sa bansa ang nasalanta matapos ang walang tigil na ulan.
Paano pa makakaahon ang bayan kung tila ito ay napilayan pa ng isang paa
matapos ang mga dumaang delubyo?
Sinasabing ang agrikultura ay isang
malaking salik sa pag-unlad ng isang bansa tulad ng Pilipinas na biniyayaan ng
yamana-lupa at yamang-tubig. Mahigit 20% ng Gross Domestic Products (GDP) ng
bansa ay nanggagaling sa agrikultura. Bukod pa rito, tinatayang 39.8% ng
manggagawa sa bansa ay nagtatrabaho sa ilalim ng sektor ng agrikultura.
Maaaring magsasaka, mangingisda, at marami pang iba.
Sa nagdaang panahon, naranasan ng
bayan ang bagsik ng kalikasan. Mahigit 3,900,000 ektarya ng lupa ang nasira.
Dahil sa pangyayari, inaasahan na ng pamahalaan ang pagtaas ng mga bilihin na
sinasabing may malaking epekto sa ekonomiya ng bansa.
Mahihinuhang ang mga unos na dumaan sa
bayan ay tila pumukaw sa bawat mamamayan. Nawa’y mas lalong pagtuonan ng DOA ang
pagpapaunlad ng agrikultura sa bansa. At higit sa lahat, sana’y natutunan ng
bawat Pilipino ang kahalagahan ng Inang Bayan matapos paghigantihan ng
kalikasan.
|