Ang monopolistikong kompetisyon ay isang estruktura na itinuturing na monopolista ang mga prodyuser ng sariling produkto sapagkat may kakayahan ang mga prodyuser na itakda ang presyo ng kanilang produkto batay sa gastusing pamproduksiyon ng kanilang negosyo. Mahalaga ang ginagampanan ng pag-aanunsiyo sa estrukturang ito sapagkat marami ang nagbibili at bumibili ng minsan ay magkakaparehong produkto sa pamilihan. 

                                      Oligopolyo naman ang tawag sa estruktura ng pamilihan na kakaunti ang prodyuser. Halos magkakapareho ang produkto at serbisyo na ipinagbibili. Ilan sa mga aspekto namagpapaliwanag sa pagkilos ng mga oligopolista ay ang mga sumusunod: 1.)pagkakaroon ng collusion; 2.) magkakapareho ng reaksiyon at 3.) hindi naglalaban sa presyo.