KABANATA 9

Konsepto ng Supply

Aralin 17:
Ang Supply at ang mga Salik na Nakakaapekto ng Supply

                                       Ang supply ay tumutukoy sa dami ng produkto at serbisyo na handa at nais ipagbili sa iba’t ibang lebel ng presyo sa isang takdang panahon. Ang gawi at kilos ng mga prodyuser ay pinag-aaralan sa bahaging ito. Sila ang tinatawag na supplier. 

                                             Ang ugnayan ng presyo at supply ay mailalarawan sa iba’t ibang  paraan tulad ng supply function, supply schedule at supply curve. Ang supply function ay mailalarawan sa pamamagitan ng mathematical function na ginagamitan ng independent at dependent variables. Ang supply schedule naman ay isang talahanayan na nagpapakita ng dami ng produkto na kayang ipagbili ng prodyuser. At kapang ang mga datos sa supply scheudule ay inilagay sa isang graph, mabubuo ang supply curve. Ito ay tumutukoy sa tuwirang relasyon ng presyo at dami ng handang ipagbiling produkto ng mga prodyuser at tinder.